Jangan Abaikan Warga Tua

Warga tua yang memerukan bantuan dari Kebajikan, dari Rumah Panjang Edwerd , Semujuk Ulu Paku, Undup Sri Aman.

1. Misi - 80 thn

2. Kedai - 70 thn

3. Alice -70 thn

4. Bunga -60 thn

5. Anjang - 60thn

6. Sia - 62 thn

7. Dina - 48 thn

8. Will - ( seorang OKU)

Menurut cerita, mereka pernah memohon bantuan dari Kebajikan tetapi tidak mendapat apa-apa jawapan, kita mahu perkara ini di selesaikan secara baik.

Penemuai Ketupung Banda

Puas ke terbai kulu – kili, nadai ga bisi pekara baru ke bisi nyadi di pasar Sri Aman agi bedau baka ke dulu suba, leboh maia ke terebainya tadi enda mukai-mukai aku lalu bepansa enggau Aki Manaul Banda, jadi aku lalu nanya ke tungga pejalai iya, Aki Manaul Banda lalu madah ke aku, deka ngabas menua di Ulu Undup Sri Aman, aku lalu nanya; kati ulih aku enggau kin? Dia iya tak andal bender ati ningga aku deka enggau. Aram meh pia ko Aki Manaul Banda.

Maia ke bejalai dia aku nampai menua di sebelah Undup Sri Aman ari jauh nadai enda temanah-manah nya, cukup celap menuanya. Meda bakanya aku lalu mai Aki Manaul Banda singgah ngetu enda lama ba dua iti rumah panjai. Aku tak tekenyit besai, dikumbai aku tempat kami meh paling tinggal pemansang di Sri Aman, tang enggi sida tu balat agi tinggal baka ke nadai Wakil Rakyat.

Nitih ka randau aku enggau orang ke diau di menuanya, sida madah cukup pedis lebuh deka nurun ke pasar bebeli ka barang, laban jalai ti di kenanya cukup jai, tempatnya baka ti enda dipeduli.

Aku lalu nanya baru kati kala kita nerima Bantu ari Perintah? Tekenyit aku ningga saut sida, laban sida semina nerima duit JKKK, tang bantu ti endang diguna mensia maioh nadai di terima sida, baka ngaga Jalai, klinik, Sekula pan repa enggau ke bukai.

Dalam runding aku, nama kebuah udah 46 tahun Sarawak merintah diri tang meh bangsa kitai Dayak Iban ke diau di Menua Ulu agi tusah endar deka meda jalai tar, klinik, jambatan, api enggau Sekula ti manah sereta likun endur bala anak-anak belajar?

Taja pia agi meh sida tu menang maia bepilih, aku cukup enda mereti ke pengawa ti baka tu. Laban aku meda Hak enggau Adat kitai Dayak nadai agi, nama Bangsa Dayak nadai ditemu agi. Di pasar Sri Aman amat meh bisi pemansang, tang kati ko bala kitai Dayak Iban ke diau di Ulu jauh din deh, nama pemansang sida? Aku mai kitai sama berunding ka pekara tu.

Bisi mega kala aku ninga sekeda ari bala sida tu nyebut, menua Ulu pedis di kemansang laban deka beguna ke duit ti maioh. Nyadi di kena ngemansang ke menua Ulu-Ulu sida tu ngena cara pejal ngaga pemansang. Ngambi ka banding; Enti kitai enda nyerah ke tanah menua endor sida bekebun dandang besai kitai nadai di beri pemansang, sida ti mansut ka jakonya cukup penyiru endang betul semua penemunya di dinga kitai. Tang udah sida bulih, sida iya lain jako.

Laban kitai sama bela kala macha didalam surat berita, ti madah Perintah meri projek ngagai siti-siti menua di Sarawak nyau bejuta-juta ringgit di dalam penanggol mata duit dunya tu. Katinya masuk akal? Amat bisi duit?....Nama kebuah enda ngereja projek ti udah di pinta rakyat.

Sigi amai meh kitai enda ulih madah nadai meri projek, laban sekeda sitak menua di Sarawak di beri sampai 200juta, 80 juta, padang bilun ke baru, enggau berjuta-juta. Tang meh enggi Sri Aman Jalai ari pasar Sri Aman ke pasar Lingga sampai sari tu enda digaga, tang orang ti ngerusak jalainya majak maioh.

Jalai ngagai Banting Lingga di Sri Aman mega nadai di gaga, tang maia bepilih belanja di kena ngaga jalainya seruran di sebut belama.
Jalai Kampung baka di sebelah Ulu Undup Sri Aman enggau tempat-tempat bukai enda alah sebut agi penyai iya, aku pan enda meh nemu nyerita agi.

Ba penemu aku, Sri Aman tu dalam sitak ke 2 dimenua Sarawak tang meh ari sukut pemansang tinggal jaul ari sitak-sitak ke bukai.Kini ke tungga duit ti endang di sedia ke Perintah besai tau ke Perintah Menua di kena ngemansang ke Sri Aman?

Baka ti di peda kitai diatu, di pasar Sri Aman bala kompeni-kompeni benung begaga ke dua projek besai, projek tebing Batang Lupar enggau projek tempat meda pangka pasangnya aja,kebukai enda nemu.

Kitai anang ngira pemansang puluh tahun ke suba, tang kitai mesti meda jauh ke moa iyanya setiap 5 tahun, enti nadai pemasang dalam kandangnya nama kebuah kitai agi nganti dia. Ujung-ujung reta kitai majak abis pemansang nadai ulih, tak semina nguntung ke orang bukai , Manuk Lepas Jari Bau Tai.......................