Ngamah ke Jako Kitai Iban

Tu siti chunto jako kitai bangsa iban salah kena, uji kita berati ke nama tuju ke bendar jako tu? Ko bala orang ke ngaganya asa iya jako iban bisi lekat ba baju, manah mehnya laban ngangkat ke jako bangsa Iban, tang tu ko aku ukai ngangkat ka jako bangsa kitai iban tang ngemeli ke jako bangsa kitai Iban.

Enti sema bisi bangsa bukai deka meli, dia iya nanya ke reti jako ti di tulis tu, baka ni kitai deka madah ke sida iya?

Enti Ulih bala kita ti deka meli baju, pilih-pilih dulu enggai ke tekena ke baju baka tu, baju tu bisi ba pasar Sri Aman, tang bala kitai Iban enda tentu berati ke pekara tu enggau silik. Kitai tau enda iboh meli baju ke bangsa tu, laban enti nuan meli iya retinya nuan nyukung pengawa orang ti endak beradat sereta ngemeli ke jako nuan empu. " pikir-pikir kita empu sebedau meli".

Bujang Berani Bangsa Dayak/Iban

MR. Kanang Anak Langkau, siko bangsa kitai iban ke udah bulih bintang PGB, ke bulih gelar SP, iyanya tinggi agi ari pangkat TUN. Tang ngagai saritu tudah tuai nadai nerima nama-nama utai kelimpah ari duit pincin aja.

Enti kitai ngenang pemarani siko-siko bala raban sedadu, bangsa kitai Dayak/Iban maia Sarawak Ringes suba endang tampak endar rita enti leboh betempur enggau munsuh. Maioh cerita udah didinga aku ngenang pemarani bala raban kitai dayak/iban enti lebuh betimbak enda belalai tang bediri, peluru endang sigi enda kena. Tang diatu agi meh bala kitai Dayak/Iban berani napi peluru enda mudah surut ngapa. Laban enti surut maia betimbak/betempur nya ukai bangsa Dayak/Iban. Bangsa Dayak enda mudah undur ngapa " AGI IDUP AGI NGELABAN".

Nyadi cerita ti deka di kenang aku ditu iyanya , nama kebuah tudah Kanang berani berambun ke nyawa nyaga Malaysia tu? Nama ti ngasuh tudah tuai nadai diberi Pangkat, paling jai pangkat "DATUK" . Tang iya ti ngasoh aku alit ati orang ti nadai berambun ke nyawa, rauh-rauh sebelah TV, bejalai kulu-kili nadai tuju ngayah ke duit Perintah bulih pangkat DATUK.

Enti ketegal tudah Kanang tu enda pandai dalam sekula nya kebuah iya enda bulih pangkat DATUK, nama kebuah enda ngasuh bala raban sida ke bisi Phd, betimbak ngelaban munsuh suba? Pangkat ti di kemuan Kanang SP, nya tau ngasoh iya duduk ba sepiak Agong. Berunding meh bala kitai bangsa Dayak/Iban sebedau ngasoh anak kitai nyadi Sedadu, enggai ke nyadi utai ke bangsa tu.

Agi Belelang

Aku meri besai terima kasih ngagai bala kita ke bisi macha balaunews tu, maia tu aku bisi mindah jauh ngiga berita ke di baca di kungsi bala kitai.Nyangka bisi sebulan kita nadai macha berita baru. Beduduk ari tu kita berengkah baru ngiga berita.Enggau tu mega aku aku minta ampun sereta meri SELAMAT GAWAI 2009 ngagai semua pemacha-pemacha Balaunews.com.