Agi Idup Agi Ngelaban

Kitai iban ke cukup berani dalam pengawa politik di Sarawak tu, kitai berasai temegah bendar ati meda pemerani sida tu. Kitai ukai deka mai orang bebunuh bepantap tang kitai berani sama-sama ngena jalai politik ti adil kena niri ke bangsa kitai Dayak Iban.

Jawah Gerang seduai Bawin dua iko ari orang ti di sebutnya, taja pan seduai enda nyadi wakil BN tang laban seduai iya endang orang ti deka meda bangsa diri mansang, nya alai seduai iya enda ngiranya ba sempama jako kitai " AGI IDUP AGI NGELABAN" tuai ti bangsa tu ti patut disukung kitai ukai tuai semina nyadi pak turut.

Maioh ketuai kitai Iban berebut ke penuduk dalam parti ,gerempung enggau ke bukai semina nyebut diri pandai aja sereta nuglih kediri empu aja sereta enda ingat ke rakyat ti ngundi iya. Bala ketuai kitai Iban tu rindu bendar beranu ke pangan diri laban ti bisi kuasa.

Semua Penemu orang endang salah magang, semina engi iya aja betul. Bila orang enda nyukung penemu iya ketegal ke salah ketuai tu pedis ati baka orang gila, setiap kali bejako enggau rakyat iya nganu bekas - bekas kaban iya. Aku arap bala ketuai -ketuai kitai Iban anang ngembuan ati ti baka tu. Enti orang ngelaban kitai , peda dulu penyalah kitai . Arap ke Ketuai kitai Iban tu badu agi beranu ke bangsa diri tang giga jalai nulung ukai jalai mumpung bangsa Iban.